Brain Stroke Kya Hai?
Brain stroke ek serious medical emergency hai, jo brain tak blood supply ruk jane se ya kam ho jane se hota hai. Isme brain ke cells oxygen ki kami ki wajah se marne lagte hain, jo serious damage ya maut ka karan ban sakta hai.
Types of Brain Stroke
- Ischemic Stroke – Jab blood clot kisi nass ko block kar deta hai, to brain tak blood supply nahi pahunchti. Ye sabse common type ka stroke hai.
- Hemorrhagic Stroke – Jab koi blood vessel fat jati hai aur dimaag me bleeding hone lagti hai.
- TIA (Transient Ischemic Attack) – Isko "mini stroke" bhi kehte hain, kyunki ye temporary hota hai aur permanent damage nahi karta, lekin is se future me stroke aane ka risk badh jata hai.
Brain Stroke ke Lakshan (Symptoms)
- Body ke ek side me weakness ya numbness (chehra, haath ya pair)
- Baat karne me dikkat ya speech slurred hona
- Achanak ankhon me problem (ek ya dono aankhon se)
- Chalne me dikkat ana, balance lose hona
- Achanak headache hone lgna
Brain Stroke ke Risk Factors (Karan)
- High blood pressure (sabse bada karan)
- Diabetes
- High cholesterol
- Smoking aur alcohol ka zyada sevan
- Obesity aur sedentary lifestyle
- Family history of stroke
Brain Stroke se Bachav Kaise Karein?
- Healthy diet lo (kam tel, namak aur sugar wala khana)
- Regular exercise karo
- BP aur sugar control me rakho
- Smoking aur alcohol se bacho
- Stress manage karo
Emergency Situation me Kya Karein? (FAST Rule Follow Karein)
- F (Face drooping): Kya chehra ek taraf latak raha hai?
- A (Arm weakness): Kya ek haath uthane me dikkat ho rahi hai?
- S (Speech difficulty): Kya baat karne me dikkat ho rahi hai?
- T (Time to call emergency): Turant doctor ya ambulance (108/112) ko call karein.
Brain stroke ka time par treatment hona bahut zaroori hai. Jaldi ilaaj milne se patient ki jaan bach sakti hai aur damage bhi kam ho sakta hai.
Start writing here...